NATO xizmatlari blokka a’zo davlatlar chegaralarida Rossiya harbiy samolyotlari faolligini qayd etdi. Euronews alyansning Belgiyadagi harbiy shtabi vakillariga tayanib xabar berishicha, 29-oktabr, chorshanba kuni erta tongda Norvegiya dengizida Tu-95 bombardimonchilari aniqlangan.
Shu kuni kunduzi qiruvchilar hamrohligidagi Tu-95ni Turkiya chegarasi yaqinida Qora dengiz ustida ko‘rishgan.
NATOdagilarning aytishicha, joriy yilda shunga o‘xshash holatlar qariyb yuz marta qayd etilgan, bu 2013-yildagidan uch marta ko‘proqdir.
Biroq alyansning rasmiy vakili qo‘mondonlik bunday parvozlardan xavotirga tushmayotganini, Rossiya harbiy samolyotlari xalqaro havo hududida uchib yurish huquqiga ega ekanligini ta’kidladi.
Izoh (0)