Facebook’dagi “Voditeli Tashkenta” (“Toshkent haydovchilari”) guruhi a’zolaridan biri Sirg‘ali avtomobil bozorida sotuvga qo‘yilgan, sellofanga o‘ralgan Lacetti mashinasi rasmi bilan bo‘lishdi.

Ushbu post tez orada ommalashib, bir sutkadan kam vaqt davomida 150 dan ziyod layk yig‘di. Shu vaqt ichida unga 65 marta fikr bildirildi.

Izohlarning ko‘pchiligida sotuvchining “o‘ta ehtiyotkorligi” kulgu ostiga olingan. “Mashina atrofiga to‘siq qo‘yib, ‘Qo‘l bilan tegilmasin’ deb yozib ham qo‘yishmabdi-da”, — deya qayd etilgan ulardan birida.

“Mahsulotni o‘rash bo‘yicha zavodni ham ortda qoldiribdi”, — deya kinoyaomuz maqtagan foydalanuvchilardan yana biri.

Shuningdek, mashina egasiga uni yana ko‘rpachalar bilan o‘rab qo‘yish, penoplast bilan qoplab, qutiga joylash kabi hazilomuz maslahatlar berilgan.

Foydalanuvchilar orasida sanoqli kishilargina sotuvchi tarafini olib, sellofanning yomg‘irdan himoya sifatida kiygizilganini taxmin qilgan.