Tojikistonda muxolifat saytlari hamda Facebook, “VKontakte”, “Odnoklassniki” ijtimoiy tarmoqlariga qo‘yilgan cheklovlar olib tashlandi, deya xabar bermoqda “TASS” mamlakatdagi eng eski provayderlik kompaniyasi “Tajik Texnoloji”ga tayanib. Shuningdek SMS-xabar yuborish imkoniyati ham qayta tiklangan.
Eslatib o‘tamiz, 10-oktabr kuni muxolifat namoyishlari kutilayotganligi tufayli hukumat poytaxtdagi xavfsizlik choralarini kuchaytirgan edi. Tojikiston aloqa operatorlari Dushanbe aholisi uchun SMS yuborish funksiyasini o‘chirib qo‘ygan edi. Biroq rejalashtirilgan namoyish bo‘lib o‘tmadi. Maydonga mahalliy OAV vakillari va suratkashlar guruhlaridan boshqa hech kim kelmadi.
Mamlakat hukumati esa saytlarning yopib qo‘yilishi va SMS xizmatning o‘chirib qo‘yilishiga o‘zining aloqadorligini rad etgan.
Dushanbeda ruxsat berilmagan namoyishlarni o‘tkazishga qaratilgan chaqiriqlar oktabr boshida ijtimoiy tarmoqlarda paydo bo‘ldi. Muxolifatchilar, xususan mamlakat prezidenti Emomali Rahmon iste’fosini talab qilmoqda.
Izoh (0)