Avgust oyida Rossiyada istiqomat qilish uchun guvohnomaga ega bo‘lgan AQSh maxsus xizmatlari sobiq xodimi Edvard Snouden Moskvaga o‘z sevgan qizi — raqqosa Lindsi Millsni ko‘chirib keldi. Bu haqda 10-oktabr kuni Nyu-York kinofestivalida premyera sifatida namoyish etilgan Citizenfour hujjatli filmiga asoslanib, The Guardian xabar bermoqda.
Film muallifi ma’lumotlariga ko‘ra, Mills Moskvaga joriy yilning iyulida kelgan. Ikki soatli kartinada Snouden va Millsning Rossiyadagi birgalikdagi hayoti aks etgan kadrlar mavjud.
Edvard Snouden bilan bog‘liq mojaro 2013-yil iyunida kelib chiqqan edi. O‘shanda u AQSh maxsus xizmatlari internet va mobil aloqa orqali butun dunyodagi foydalanuvchilarni kuzatib borgani haqidagi maxfiy axborotlarni fosh etgan edi.
2013-yilning 1-avgust kuni Rossiya hukumati AQSh maxsus xizmatlarining sobiq xodimiga bir yillik muddatga vaqtinchalik boshpana berishga qaror qilgan edi. 2014-yil 7-avgust kuni esa Edvard Snouden uch yil muddatga Rossiya Federatsiyasida istiqomat uchun guvohnomaga ega bo‘ldi.
Izoh (0)