AQShdan Dominika Respublikasiga uchayotgan samolyot bortidagi yo‘lovchilardan birining parvoz chog‘ida qilgan hazili qimmatga tushdi, deya xabar bermoqda “Rossiyskaya gazeta”.
Yo‘lovchi: “Men Afrikadanman. Menda Ebola virusi bor! U hammangizga yuqadi”, — degach, kema kapitani yerdagi xizmatlar bilan bog‘landi. Yo‘lovchilarga o‘z o‘rinlarida qolish buyurildi. Bu vaqtda himoya kiyimlarini kiygan tez yordam brigadasi Punta-Kana aeroportiga yetib kelishdi. Samolyotni aynan shu aeroportga zudlik bilan qo‘ndirishdi.
Hazilkash yo‘lovchi 54 yoshli AQSh fuqarosi bo‘lib chiqdi. U hazil qilganini ta’kidlashiga qaramay, tekshiruv uchun tibbiy markazga yuborildi. Endi uni yanada qat’iy tibbiy ko‘rikdan o‘tkazish uchun AQShga qaytarib yuborishadi.
Aeroport ma’muriyati vakili yo‘lovchining hazilini “nojo‘ya” deb atadi. “U shunchaki hazil qilsam, odamlar buni jiddiy qabul qilmaydi, hamma kulib qo‘ya qoladi, deb o‘ylagandir. Biroq yo‘lovchilar bunday hazildan qo‘rqib ketishdi”, — dedi aeroport vakili.
Izoh (0)