Rossiya prezidenti Vladimir Putin “Yig‘inlar, mitinglar, namoyishlar, yurishlar va piketlar to‘g‘risida”gi federal qonunga o‘zgartirish kiritishni tasdiqladi. Tegishli hujjat qonunchilik axboroti rasmiy internet-portalida e’lon qilindi.
O‘zgartirishlar qonunning jamoatchilik tadbirlarini o‘tkazish vaqti haqidagi 9-moddasiga tegishli bo‘ldi. Endi Rossiyada mitinglar va namoyishlarni 7 dan erta bo‘lmagan vaqtda boshlash va o‘sha kuni 22 dan kech bo‘lmagan vaqtda tugatish kerak bo‘ladi.
Bunda madaniy mazmundagi jamoatchilik tadbirlari, shuningdek Rossiyadagi xotira kunlariga bag‘ishlangan tadbirlar istisno qilinadi.
Izoh (0)