Rossiyaning Chelyabinsk viloyatidagi “Orujeynik” fabrikasi ustalari Grozniy shahri yubileyiga atab Checheniston Respublikasi rahbari Ramzan Qodirov portreti tushirilgan bir kilogrammlik kumush tangani zarb qildi. Bu haqda fabrika rasmiy vakili Ivan Mironovga tayanib “TASS” xabar berdi. Esdalik tanga Qodirovga yaqin kunlarda topshiriladi.
“Kolleksiya cheklangan, u 25 ta kumush nusxadan iborat bo‘ladi. Tangalarning og‘irligi bir kilogramm, qalinligi 14 millimetr, diametri 120 millimetrga teng bo‘ladi, — dedi Mironov. — Avers (tanganing yuza qismi)da Ramzan Qodirov portreti, revers (orqa tomoni)da Ahmad Hoji Qodirov nomidagi masjid aks etgan”.
Nashrning eslatishicha, bu yil “Orujeynik”“Qrim Respublikasining Rossiya Federatsiyasi tarkibiga qabul qilinishi”ga atab ham bir kilogrammlik kumush tangalarni chiqargan edi.
Izoh (0)