Россиянинг Челябинск вилоятидаги «Оружейник» фабрикаси усталари Грозний шаҳри юбилейига атаб Чеченистон Республикаси раҳбари Рамзан Қодиров портрети туширилган бир килограммлик кумуш тангани зарб қилди. Бу ҳақда фабрика расмий вакили Иван Мироновга таяниб ТАСС хабар берди. Эсдалик танга Қодировга яқин кунларда топширилади.
«Коллекция чекланган, у 25 та кумуш нусхадан иборат бўлади. Тангаларнинг оғирлиги бир килограмм, қалинлиги 14 миллиметр, диаметри 120 миллиметрга тенг бўлади, — деди Миронов. — Аверс (танганинг юза қисми)да Рамзан Қодиров портрети, реверс (орқа томони)да Аҳмад Ҳожи Қодиров номидаги масжид акс этган».
Нашрнинг эслатишича, бу йил «Оружейник»«Қрим Республикасининг Россия Федерацияси таркибига қабул қилиниши»га атаб ҳам бир килограммлик кумуш тангаларни чиқарган эди.
Изоҳ (0)