70 yoshli Ivan Trifonov havo sharida yer ostiga tushgan dunyodagi birinchi kishi bo‘ldi. Ulkan havo shari Xorvatiyadagi Mamet g‘origa 205 metr chuqurlikka tushdi, deya xabar bermoqda ekabu.ru.
Shu tariqa, Ivan Trifonov havo sharida yer ostiga parvozni amalga oshirgan ilk odam sifatida Ginnesning Rekordlar kitobiga kiritildi, bu uning beshinchi jahon rekordi bo‘ldi.
Bunday g‘aroyib parvoz uchun rekordchi oddiy havo sharidan kichikroq hajmga ega maxsus shardan foydalandi. Yer ostiga sayohat taxminan 25 daqiqa davom etdi.
Ivan Trifonov bundan avval Janubiy qutb, Shimoliy qutb va O‘rta Yer dengizi ustidan uchib o‘tgani, shuningdek 12 soat ichida Shimoliy qutb ustida parvoz qilib, u yerda suvga sho‘ng‘igani uchun Ginnes kitobiga kiritilgan.
Izoh (0)