O‘zbekiston Davlat statistika qo‘mitasi tomonidan chop etilgan “Aholi haqida raqamlar tilida” bukletida O‘zbekiston aholisi 30,5 millionga yetib, bu ko‘rsatkich bo‘yicha jahonda 42-o‘rinni egallashi haqida ma’lumot berilgan, deb yozadi UzDaily.
Davlat statistika qo‘mitasi ma’lumotlariga ko‘ra, aholining 51 foizi (15,55 million kishi) shaharlarda, 49 foizi (14,937 million kishi) qishloqlarda yashaydi. 2014-yil 1-yanvar holatiga ko‘ra aholi zichligi 1 kvadrat metrga 67,9 kishini tashkil etadi. Aholining 50,1 foizini (15,277 million kishi) erkaklar, 49,9 foizini (15,215 ming kishi) ayollar tashkil etadi.
Mehnatga layoqatli yoshdagi aholining soni 18,81 million kishi (aholining 61,7 foizi), mehnatga layoqatli yoshdan kichiklar soni 9,116 million kishi (29,9%), mehnatga layoqatli yoshdan kattalar esa 2,562 million kishi (8,4%)ni tashkil etadi.
2014-yil 1-yanvar holatiga eng ko‘p aholi istiqomat qiladigan viloyatlar Samarqand (3,445 million kishi), Farg‘ona (3,386 million kishi) hamda Qashqadaryo (2,895 million kishi) viloyatlari bo‘lgan. Shaharlar orasida esa Toshkent (2,353 million kishi), Samarqand (509 ming kishi) va Namangan (475,7 ming kishi) aholi soni bo‘yicha yetakchilik qilmoqda.
Izoh (0)