Namangan viloyatida “Onalik va bolalikni muhofaza qilish barkamol avlod tayanchi: amaliy ishlar, takliflar, tavsiyalar” mavzusida seminar-trening bo‘lib o‘tdi. Bu haqda Namnews.uz xabar berdi.
Seminar-treningda sog‘liqni saqlash, onalik va bolalikni muhofaza qilish tashkiloti mutaxassislari ishtirok etdi.
“Bo‘lib o‘tgan tadbirda soha vakillari tomonidan iyun oyining birinchi o‘n kunligida Namanganda o‘nga yaqin oilalarda uch egizak chaqaloq tug‘ilgani kuzatilgani ta’kidlandi. Tibbiyot xodimlari tomonidan chaqaloqlarning salomatligi uchun qayg‘urilmoqda”, — deyiladi xabarda.
Ma’lum bo‘lishicha, tadbir O‘zbekiston mustaqil bosma OAV va axborot agentliklarini qo‘llab-quvvatlash va rivojlantirish jamoat fondi, YuNISEF bolalar tashkilotining O‘zbekistondagi vakolatxonasi hamda Jurnalistlarni qayta tayyorlash markazi bilan hamkorlikdagi “Mamlakatimiz OAVning oila institutini mustahkamlash masalalarini yoritish bo‘yicha salohiyatini oshirish” loyihasi doirasida amalga oshirilgan.
Izoh (0)