2050-yilga kelib, O‘zbekiston umumiy aholisi sonida keksa kishilar ulushi 19,4 foizga yetadi. Bu haqda HelpAge International xalqaro xayriya tashkiloti tomonidan BMT hamkorligida tuzilgan va 1-oktabr — xalqaro keksa kishilar kunida e’lon qilingan Global AgeWatch Index 2014 reytingi natijalari guvohlik bermoqda, deb yozadi ”Noviy vek” nashri.
Ayni paytda O‘zbekistonda pensionerlar soni umumiy aholining 6,7 foizini tashkil etadi. 2030-yilda ushbu ko‘rsatkich 11,6 foizga, 2050-yilda esa 19,4 foizga yetadi.
Ma’ruza mualliflarining tadqiqotlari shuni ko‘rsatadiki, O‘zbekistonda pensiyadagi umr uzoqligi 17 yilni, pensiyadagi sog‘lom umr esa 13,7 yilni tashkil etadi.
Nashrning eslatishicha, 2014-yilning birinchi yarmi yakunlariga ko‘ra, O‘zbekistonning doimiy aholisi soni 30,7 million kishiga teng bo‘ldi. Ayollar uchun o‘rtacha umr uzoqligi 75,8, erkaklar uchun esa 71,1 yilni tashkil qiladi.
Izoh (0)