Ўзбекистон Давлат статистика қўмитаси томонидан чоп этилган «Аҳоли ҳақида рақамлар тилида» буклетида Ўзбекистон аҳолиси 30,5 миллионга етиб, бу кўрсаткич бўйича жаҳонда 42-ўринни эгаллаши ҳақида маълумот берилган, деб ёзади UzDaily.
Давлат статистика қўмитаси маълумотларига кўра, аҳолининг 51 фоизи (15,55 миллион киши) шаҳарларда, 49 фоизи (14,937 миллион киши) қишлоқларда яшайди. 2014 йил 1 январь ҳолатига кўра аҳоли зичлиги 1 квадрат метрга 67,9 кишини ташкил этади. Аҳолининг 50,1 фоизини (15,277 миллион киши) эркаклар, 49,9 фоизини (15,215 минг киши) аёллар ташкил этади.
Меҳнатга лаёқатли ёшдаги аҳолининг сони 18,81 миллион киши (аҳолининг 61,7 фоизи), меҳнатга лаёқатли ёшдан кичиклар сони 9,116 миллион киши (29,9%), меҳнатга лаёқатли ёшдан катталар эса 2,562 миллион киши (8,4%)ни ташкил этади.
2014 йил 1 январь ҳолатига энг кўп аҳоли истиқомат қиладиган вилоятлар Самарқанд (3,445 миллион киши), Фарғона (3,386 миллион киши) ҳамда Қашқадарё (2,895 миллион киши) вилоятлари бўлган. Шаҳарлар орасида эса Тошкент (2,353 миллион киши), Самарқанд (509 минг киши) ва Наманган (475,7 минг киши) аҳоли сони бўйича етакчилик қилмоқда.
Изоҳ (0)