O‘zbekiston terma jamoasi 1-oktabr kuni Incheondagi Osiyo o‘yinlarida yana ikki oltin medalni qo‘lga kiritdi, deya xabar bermoqda Uff.uz.
Yunon-rum kurashi bo‘yicha 85 kilogramm vazn toifasida musobaqada ishtirok etgan Rustam Assakalov finalda koreyalik raqibini mag‘lub etib, oltin medalni qo‘lga kiritdi.
Shuningdek badiiy gimnastika bo‘yicha o‘tkazilgan jamoaviy bahslarda ham O‘zbekiston terma jamoasi oltin medalni qo‘lga kiritdi. Ravilya Farxutdinova, Valeriya Davidova, Jamila Rahmatova va Anastasiya Serdyukovalar sportning eng nafis turi bo‘yicha mahoratlarini namoyish qildi va oltin medalga munosib ko‘rildi.
Ayni vaqtda O‘zbekiston terma jamoasi hisobidagi oltin medallar soni 8 taga yetdi. Yana 9 ta kumush hamda 14 ta bronza medallarini qo‘lga kiritgan hamyurtlarimiz ayni vaqtda umumjamoa hisobida 9-o‘rinni egallab turibdi.
Izoh (0)