Инчеон — 2014: Ўзбекистонликлар юнон-рум кураши ва бадиий гимнастика бўйича олтин медалларни қўлга киритди

Ўзбекистон терма жамоаси 1 октябрь куни Инчеондаги Осиё ўйинларида яна икки олтин медални қўлга киритди, дея хабар бермоқда Uff.uz.

Юнон-рум кураши бўйича 85 килограмм вазн тоифасида мусобақада иштирок этган Рустам Ассакалов финалда кореялик рақибини мағлуб этиб, олтин медални қўлга киритди.

Шунингдек бадиий гимнастика бўйича ўтказилган жамоавий баҳсларда ҳам Ўзбекистон терма жамоаси олтин медални қўлга киритди. Равиля Фархутдинова, Валерия Давидова, Жамила Раҳматова ва Анастасия Сердюковалар спортнинг энг нафис тури бўйича маҳоратларини намойиш қилди ва олтин медалга муносиб кўрилди.

Айни вақтда Ўзбекистон терма жамоаси ҳисобидаги олтин медаллар сони 8 тага етди. Яна 9 та кумуш ҳамда 14 та бронза медалларини қўлга киритган ҳамюртларимиз айни вақтда умумжамоа ҳисобида 9-ўринни эгаллаб турибди.