Nikaragua hukumati mamlakat hududiga kichik meteorit kelib tushganini e’lon qildi, deya xabar berdi “RIA Novosti” Associated Press’ga tayanib.
Ma’lum bo‘lishicha, meteorit poytaxt Managuadagi aeroport va mamlakat harbiy havo kuchlari bazasi yaqiniga qulagan. Nikaragua hukumati vakili Rosario Murillo maxsus tuzilgan komissiya “Yer yaqinidan o‘tgan asteroiddan sinib tushgan nisbatan kichik bo‘lgan” meteorit qulagani haqidagi xabarni tasdiqladi. Murilloning qo‘shimcha qilishicha, mamlakat hukumati xalqaro ekspertlardan hodisani tadqiq qilishda mahalliy olimlarga hamkorlik qilishni so‘ramoqchi.
Xabarlarga ko‘ra, meteorit o‘zidan radiusi 12 metrlik, chuqurligi 5 metrlik krater qoldirgan. Mahalliy aholi yakshanbaga o‘tar kechasi baland qasir-qusur ovozlarni eshitgani, biroq meteorit tushganida bo‘ladigan odatiy yorug‘lik chaqnashini ko‘rmaganini aytdi.
Olimlar meteoritning parchalari yerda qolgan-qolmaganligini aniqlash uchun u qulagan hududni tadqiq etmoqchi. Olimlar shuningdek mahalliy aholidan meteorit qulagan chog‘da olingan fotosurat yoki videoyozuvlarni taqdim etishlarini so‘radi.
Izoh (0)