Никарагуа ҳукумати мамлакат ҳудудига кичик метеорит келиб тушганини эълон қилди, дея хабар берди «РИА Новости» Associated Press’га таяниб.
Маълум бўлишича, метеорит пойтахт Манагуадаги аэропорт ва мамлакат ҳарбий ҳаво кучлари базаси яқинига қулаган. Никарагуа ҳукумати вакили Росарио Мурилло махсус тузилган комиссия «Ер яқинидан ўтган астероиддан синиб тушган нисбатан кичик бўлган» метеорит қулагани ҳақидаги хабарни тасдиқлади. Муриллонинг қўшимча қилишича, мамлакат ҳукумати халқаро экспертлардан ҳодисани тадқиқ қилишда маҳаллий олимларга ҳамкорлик қилишни сўрамоқчи.
Хабарларга кўра, метеорит ўзидан радиуси 12 метрлик, чуқурлиги 5 метрлик кратер қолдирган. Маҳаллий аҳоли якшанбага ўтар кечаси баланд қасир-қусур овозларни эшитгани, бироқ метеорит тушганида бўладиган одатий ёруғлик чақнашини кўрмаганини айтди.
Олимлар метеоритнинг парчалари ерда қолган-қолмаганлигини аниқлаш учун у қулаган ҳудудни тадқиқ этмоқчи. Олимлар шунингдек маҳаллий аҳолидан метеорит қулаган чоғда олинган фотосурат ёки видеоёзувларни тақдим этишларини сўради.
Изоҳ (0)