“O‘zbekyengilsanoat” davlat aksiyadorlik kompaniyasi 2021-yilgacha paxta tolasini mahalliy qayta ishlashni 70 foizga yetkazishni rejalashtirmoqda. Bu haqda kompaniya texnik siyosat va prognozlashtirish bosh boshqarmasi boshlig‘i Dilbar Mahmudovaga tayanib, UzDaily xabar berdi.
Uning ta’kidlashicha, 2015—2020-yillarda kompaniya respublikada yaqin besh yil ichida yengil sanoatni rivojlantirish konsepsiyasiga muvofiq, paxta tolasini mahalliy qayta ishlashni ko‘paytirish va uning eksportini qisqartirishga taxminan 1 milliard dollar yo‘naltiradi.
Ushbu konsepsiya “O‘zbekyengilsanoat” DAK tomonidan qator vazirlik va idoralar bilan hamkorlikda ishlab chiqilgan.
Dilbar Mahmudova dasturning paxta tolasini mahalliy qayta ishlash hajmini joriy yildagi 44 foizdan 2020-yilda 70 foizgacha oshirishni ko‘zda tutishini aytdi.
Shu bilan birga, uning so‘zlariga ko‘ra, O‘zbekiston to‘qimachilik mahsulotlari eksportini 800 million dollardan 1,5 milliard dollargacha ko‘paytiradi.
Dastur mahalliy korxonalarning va xorijiy investorlarning to‘g‘ridan-to‘g‘ri investitsiyalari, shuningdek banklar kreditlari hisobidan moliyalashtiriladi.
Izoh (0)