2014-yilning 4-sentabr kuni Tashqi ishlar vaziri Abdulaziz Komilov boshchiligidagi O‘zbekiston Respublikasi delegatsiyasi Uelsdagi (Buyuk Britaniya) NATO Sammitining Afg‘oniston masalasi bo‘yicha maxsus yig‘ilishda ishtirok etdi. Bu haqda tashqi ishlar vazirligi matbuot xizmati xabar berdi.
Xavfsizlikka ko‘maklashuvchi xalqaro kuchlar (ISAF) faoliyatiga hissa qo‘shayotgan Alyansning a’zo davlatlari va hamkorlik sheriklari vakillari bir qator taklif etilgan mamlakatlar va xalqaro tashkilotlar ishtirokida Afg‘onistondagi vaziyatni barqarorlashtirish va uni ijtimoiy-iqtisodiy jihatdan tiklash masalalarini ko‘rib chiqdilar.
Yig‘ilish yakunida Afg‘oniston bo‘yicha NATOning Uels Sammiti Deklaratsiyasi qabul qilindi.
Avvalroq O‘zbekiston delegatsiyasi NATO Bosh kotibi Anders Fog Rasmussen taklifi bilan ushbu sammitda ishtirok etishi xabar berilgan edi.
Izoh (0)