«Ўзбекенгилсаноат» давлат акциядорлик компанияси 2021 йилгача пахта толасини маҳаллий қайта ишлашни 70 фоизга етказишни режалаштирмоқда. Бу ҳақда компания техник сиёсат ва прогнозлаштириш бош бошқармаси бошлиғи Дилбар Маҳмудовага таяниб, UzDaily хабар берди.
Унинг таъкидлашича, 2015—2020 йилларда компания республикада яқин беш йил ичида енгил саноатни ривожлантириш концепциясига мувофиқ, пахта толасини маҳаллий қайта ишлашни кўпайтириш ва унинг экспортини қисқартиришга тахминан 1 миллиард доллар йўналтиради.
Ушбу концепция «Ўзбекенгилсаноат» ДАК томонидан қатор вазирлик ва идоралар билан ҳамкорликда ишлаб чиқилган.
Дилбар Маҳмудова дастурнинг пахта толасини маҳаллий қайта ишлаш ҳажмини жорий йилдаги 44 фоиздан 2020 йилда 70 фоизгача оширишни кўзда тутишини айтди.
Шу билан бирга, унинг сўзларига кўра, Ўзбекистон тўқимачилик маҳсулотлари экспортини 800 миллион доллардан 1,5 миллиард долларгача кўпайтиради.
Дастур маҳаллий корхоналарнинг ва хорижий инвесторларнинг тўғридан-тўғри инвестициялари, шунингдек банклар кредитлари ҳисобидан молиялаштирилади.
Изоҳ (0)