Joriy yilning ikkinchi choragida Qrimga kiritilgan barcha investitsiyalarning 80 foizdan ortig‘i Yaltaga yo‘naltirildi, deya xabar bermoqda Qrim yangiliklar xizmati Qrim iqtisodiy taraqqiyot vaziri Svetlana Verbaga tayanib.
Uning aytishicha, investitsiyalar O‘zbekiston, Belorussiya, Fransiya, Kipr, Virgin orollari va Turkiyadan kelib tushgan. Ularning 70 foizi mehmonxonalarga, 15 foizi ko‘chmas mulk sohasidagi korxonalarga, 12 foizi sog‘liqni saqlash muassasalariga, 2,9 foizi sayyohlik agentliklari va operatorlar hamda 0,4 foizi sanoat va qurilish korxonalariga yo‘naltirilgan.
Investitsiyalarning katta qismi — 4 million dollar yoki umumiy mablag‘ning 81,6 foizi Yaltaga kelib tushgan.
Nashrning ta’kidlashicha, ikkinchi chorak davomida Qrim iqtisodiyotiga dunyoning olti mamlakatidan jami 4,8 million dollar miqdorida to‘g‘ridan-to‘g‘ri investitsiyalar kiritilgan.
Izoh (0)