Buyuk Britaniya Milliy savodxonlik fondi va Wild in Art tashkiloti tomonidan Londonda tayyorlangan “Shaharda kitoblar” loyihasi aholining e’tiborini adabiyotga qaratishni ko‘zda tutgan. Bu haqda BBC xabar bermoqda.
London ko‘chalarida aholi o‘rtasida kitobxonlik va savodxonlik darajasini oshirish maqsadida Agata Kristi, Virjiniya Vulf, Jorj Oruell, Jaklin Uilson singari ingliz yozuvchilarining asarlaridan lavhalar tushirilgan jami 50 ta skameyka paydo bo‘ldi.
Alohida guruhlarga ajratilgan kitob-skameykalar Londonning to‘rt markaziy tumani — Bloomsbury, City, Greenwich va Riverside’ga o‘rnatilgan.
O‘rindiqlar joylashtirilgan hududlar xaritasini Booksabouttown.org.uk saytidan topish mumkin.
Kitob-skameykalar London ko‘chalarida joriy yilning 15-sentabriga qadar turadi. Ular 7-oktabr kuni Royal Festival Hall’da o‘tkaziladigan auksionda sotuvga qo‘yiladi.
Ma’lumot uchun, har oltinchi britaniyalik yetarlicha savodxonlik darajasiga ega emas. Ulardan ayrimlari o‘qish-yozishni bilmasa, ayrimlari uni juda yomon bajaradi.
Izoh (0)