Rim papasi Fransisk birinchi marta jamoatchilik oldida o‘z vafoti haqida gapirdi. Agence France-Presse xabar berishicha, pontifik bir necha yildan so‘ng vafot etishini taxmin qilmoqda.
Janubiy Koreyadan Vatikanga yo‘l olgan samolyot bortida jurnalistlar Papaga uning mashhurligi haqida savol bergan. Unga javoban 77 yoshli pontifik: “Men buni Yaratganning muruvvati deb bilaman. Kalondimog‘likka berilmaslik uchun gunohlarim, xatolarim haqida o‘ylashga harakat qilaman. Chunki buning uzoq davom etmasligini bilaman. Ikki yoki uch yildan so‘ng Parvardigori olam huzuriga yo‘l olaman”, — dedi.
Shuningdek, Rim-katolik cherkovi rahbari o‘zini majburiyatlarini bajarishga imkonsiz his qila boshlasa, taxtni tark etishini ham aytib o‘tdi. Fransisk o‘zida “asab bilan bog‘liq ba’zi muammolar” borligini tan oldi.
Izoh (0)