AQShning Missuri shtati Sent-Luis shahrida politsiyachi yana bir afro-amerikalikni otib tashladi, deya xabar berdi Associated Press.
Ta’kidlanishicha, hodisa politsiya tomonidan 18 yoshli qora tanli o‘smir yigit o‘ldirilganiga qarshi ommaviy norozilik namoyishlari bo‘lib o‘tayotgan Fergyuson shahridan bir necha kilometr uzoqlikda sodir bo‘lgan.
Politsiya ma’lumotlariga ko‘ra, halok bo‘lgan qora tanli do‘konni o‘marganlikda gumon qilingan, qo‘lga olish chog‘ida esa politsiyachiga pichoq bilan hamla qilgan.
“U tartibsiz harakat qildi va politsiyachilarni unga o‘t ochishga undadi”, — dedi politsiya boshlig‘i Sem Dotson.
Eslatib o‘tamiz, 9-avgust kuni Fergyuson shahrida 18-yoshli Maykl Braun ismli qora tanli yigit politsiyachilar tomonidan otib o‘ldirildi. Shundan so‘ng shaharda ommaviy namoyishlar va tartibsizliklar boshlanib ketgan. Politsiya ularga qarshi rezina o‘q va ko‘zni yoshlantiruvchi gaz qo‘llamoqda.
Izoh (0)