Буюк Британия Миллий саводхонлик фонди ва Wild in Art ташкилоти томонидан Лондонда тайёрланган «Шаҳарда китоблар» лойиҳаси аҳолининг эътиборини адабиётга қаратишни кўзда тутган. Бу ҳақда BBC хабар бермоқда.
Лондон кўчаларида аҳоли ўртасида китобхонлик ва саводхонлик даражасини ошириш мақсадида Агата Кристи, Виржиния Вулф, Жорж Оруэлл, Жаклин Уилсон сингари инглиз ёзувчиларининг асарларидан лавҳалар туширилган жами 50 та скамейка пайдо бўлди.
Алоҳида гуруҳларга ажратилган китоб-скамейкалар Лондоннинг тўрт марказий тумани — Bloomsbury, City, Greenwich ва Riverside’га ўрнатилган.
Ўриндиқлар жойлаштирилган ҳудудлар харитасини Booksabouttown.org.uk сайтидан топиш мумкин.
Китоб-скамейкалар Лондон кўчаларида жорий йилнинг 15 сентябрига қадар туради. Улар 7 октябрь куни Royal Festival Hall’да ўтказиладиган аукционда сотувга қўйилади.
Маълумот учун, ҳар олтинчи британиялик етарлича саводхонлик даражасига эга эмас. Улардан айримлари ўқиш-ёзишни билмаса, айримлари уни жуда ёмон бажаради.
Изоҳ (0)