19-avgust, seshanba kuni tongda aksilterrochilik operatsiyasi kuchlari Luganskka hujum haqida e’lon qildi. To‘xtovsiz davom etayotgan otishmalar fonida Shahar kengashi tinch aholi orasida qurbonlar borligini ma’lum qildi, deya xabar berdi Euronews.
Avvalroq Markaziy bozor yonib ketgan edi. Kechga borib, Ukraina Milliy xavfsizlik va mudofaa kengashi axborot markazi aksilterrorchilik operatsiyasi kuchlari Luganskning bitta tumanini ozod etgani, markazda esa ko‘cha janglari davom etayotganini xabar qilgan.
Donetsk viloyatidagi Makeyevka shahri ham Ukraina kuchlari tomonidan o‘qqa tutilgan. Natijada uch kishi halok bo‘lib, ko‘plab odamlar yaralangan. Shuningdek, ko‘pgina binolarga zarar yetgan. Xususan, Makeyevka temir yo‘l vokzali infratuzilmasi buzilgan. Snaryadlardan biri yoqilg‘i quyish shoxobchasiga kelib tushgan va yong‘in sodir bo‘lgan. Gaz quvurlari va elektr uzatish simlari zarar ko‘rgan.
23-avgust, shanba kuni Kiyevga Germaniya kansleri Angela Merkel tashrif buyurmoqchi. U Ukraina prezidenti va bosh vaziri bilan uchrashadi. Vladimir Putin esa 26-avgust kuni Minskda Bojxona ittifoqi davlatlari bilan birgalikda Ukraina prezidenti Pyotr Poroshenko bilan uchrashuv o‘tkazadi.
Izoh (0)