Shu hafta boshida Ukraina janubi-sharqidagi nizolar qurbonlari soni 2086 kishiga yetdi, deya xabar berdi BBC BMT Inson huquqlari bo‘yicha kengashi matbuot xizmatiga tayanib.
26-iyul kuni BMT hisob-kitobi bo‘yicha ushbu ko‘rsatkich 1129 kishiga teng edi. Kengash fikricha, bu nizo kuchayganidan darak beradi.
Aprel o‘rtasidan buyon Donetsk va Lugansk viloyatlarida har oyda o‘rtacha 60 kishi halok bo‘lmoqda. To‘rt oy ichida 5 mingdan ortiq kishi yaralangan.
Moskva 13-avgust, seshanba kuni o‘zi “gumanitar yordam konvoyi” deb atagan jo‘natmasini Ukrainaga yo‘naltirdi, biroq uning ichida nima borligi Qizil Xoch jamiyatiga haligacha noma’lum.
Avvalroq G‘arb yetakchilari gumanitar yordam niqobi ostida Rossiya Ukrainaga bostirib kirishi mumkinligidan xavfsiragan edi. Biroq Rossiya prezidenti matbuot kotibi Dmitriy Peskov bunday bayonotlarni “bema’ni” deb atadi.
Izoh (0)