Amerikaning Kaliforniya shtatida yashovchi 46 yoshli Nikolas Holzer o‘z ota-onasi va farzandlarini sovuq qurol bilan o‘ldirganini tan oldi, deya xabar berdi CBS telekanali.
Shov-shuvli qotillik 30 ming kishilik aholiga ega Golet shahrida sodir bo‘ldi. Politsiya vakillari Holzerning uyida uning ota-onasi hamda 10 va 13 yoshli ikki o‘g‘liga tegishli murdalarni topgan, Holzer hibsga olingan.
Tergov chog‘ida u o‘z qarindoshlarini “burch yuzasidan” o‘ldirganini aytgan. Qotil bergan boshqa ma’lumotlar oshkor qilinmayapti.
Telekanal xabariga ko‘ra, Holzer o‘z ota-onasining uyida yetti yildan buyon yashab kelgan. Bu vaqt ichida politsiyaga huquqni muhofaza qiluvchi organlarni qiziqtirishi mumkin bo‘lgan hodisalar haqida hech qanday ma’lumot kelib tushmagan. Holzer bungacha sudlanmagan.
Politsiya hodisa yuzasidan tergov olib bormoqda.
Izoh (0)