Londonning “Arsenal” futbol klubi aksiyadori, kelib chiqishi o‘zbekistonlik bo‘lgan rossiyalik milliarder Alisher Usmonov jamoa yangi mavsumdan boshlab yana sovrinlarni qo‘lga kirita boshlashiga umid bildirdi. Bu haqda ishbilarmon The Telegraph gazetasiga bergan intervyusida ma’lum qilgan, deb yozadi “Kun”.
“‘Arsenal’da muvaffaqiyatga erishish uchun kerakli hamma narsa bor. O‘ylashimcha, ‘Arsenal’ tarixida yangi davr boshlanmoqda va bu davrda biz sovrinlarni qo‘lga kirita olamiz. Futbolda eng asosiysi – sovrinlardir”, – dedi Usmonov.
“Klub belgilangan qoidalar asosida aniq transfer siyosatini olib bormoqda. Hozirgi vaqtda ‘Arsenal’da eng yaxshi futbolchilarni sotib olish uchun barcha yetarli vositalar bor”, – deya qo‘shimcha qildi Alisher Usmonov.
Qayd etish joiz, yozgi transfer oynasi vaqtida “Arsenal”ning eng asosiy xaridlaridan biri “Barselona”dan chililik hujumchi Aleksis Sanchesning o‘tishi bo‘ldi.
Izoh (0)