Лондоннинг «Арсенал» футбол клуби акциядори, келиб чиқиши ўзбекистонлик бўлган россиялик миллиардер Алишер Усмонов жамоа янги мавсумдан бошлаб яна совринларни қўлга кирита бошлашига умид билдирди. Бу ҳақда ишбилармон The Telegraph газетасига берган интервьюсида маълум қилган, деб ёзади «Кун».
«‘Арсенал’да муваффақиятга эришиш учун керакли ҳамма нарса бор. Ўйлашимча, ‘Арсенал’ тарихида янги давр бошланмоқда ва бу даврда биз совринларни қўлга кирита оламиз. Футболда энг асосийси – совринлардир», – деди Усмонов.
«Клуб белгиланган қоидалар асосида аниқ трансфер сиёсатини олиб бормоқда. Ҳозирги вақтда ‘Арсенал’да энг яхши футболчиларни сотиб олиш учун барча етарли воситалар бор», – дея қўшимча қилди Алишер Усмонов.
Қайд этиш жоиз, ёзги трансфер ойнаси вақтида «Арсенал»нинг энг асосий харидларидан бири «Барселона»дан чилилик ҳужумчи Алексис Санчеснинг ўтиши бўлди.
Изоҳ (0)