FIFA Ravshan Ermatovning arbitrlar brigadasiga Braziliyadagi jahon chempionatida eng yaxshi hakamlik uchun oltin medal topshirdi. Bu haqda Ermatov brigadasiga kiruvchi FIFA referisi yordamchisi Bahodir Qo‘chqorov xabar berdi, deb yozadi UzDaily.
Ma’lum bo‘lishicha, Ermatov brigadasi ushbu medalni jahon chempionatida faoliyat ko‘rsatgan boshqa hakamlar bilan bir qatorda qo‘lga kiritgan.
Eslatib o‘tamiz, Ravshan Ermatov va uning yordamchilari — Abduhamidillo Rasulov va Bahodir Qo‘chqorov Braziliyadagi jahon chempionatida to‘rtta uchrashuvni boshqardi.
Ermatov jahon chempionatlarida to‘qqizta o‘yinga hakamlik qilgan tarixdagi birinchi arbitrga aylandi.
Ravshan Ermatov 2010-yil JARda bo‘lib o‘tgan futbol bo‘yicha jahon chempionatida beshta uchrashuvga hakamlik qilgan.
Braziliyada bo‘lib o‘tgan turnirda esa o‘zbekistonlik arbitr to‘rtta o‘yinni boshqardi. Hamyurtimiz Shveysariya – Ekvador (1-tur guruh bosqichi), Xorvatiya – Meksika (3-tur guruh bosqichi), AQSh – Germaniya (3-tur guruh bosqichi) hamda Gollandiya — Kosta-Rika (chorak final) uchrashuvlariga hakamlik qildi.
Izoh (0)