Xitoy janubi-g‘arbidagi Yunnan provinsiyasida yer silkinishida halok bo‘lganlar soni 381 taga yetdi. Yana taxminan 1,9 ming kishi jarohat olgan. Bu haqda CBS telekanaliga tayanib, “RIA Novosti” xabar berdi.
6,1 magnitudali zilzila mahalliy vaqt bilan 3-avgust 16:30 da (Toshkent vaqti bilan 3-avgust 13:30 da) bo‘lib o‘tdi. Zilzila o‘chog‘i Chjaotun shahridagi Ludyan uyezdi hududida 10 kilometr chuqurlikda joylashdi. Ushbu uyezdda 265 mingdan ortiq kishi yashaydi. U yerda telefon aloqasi uzilgan, qator binolar buzilgan, elektr uzatish liniyalari zararlangan. Xitoy OAVlari ta’kidlashicha, ushbu zilzila Yunnanda so‘nggi 14 yil ichida yuz bergan eng kuchlisi bo‘ldi.
Izoh (0)