Bolgariyadagi Lovech shahrida hayvonot bog‘idan yaguar qochib ketdi. Uni tutish uchun olti soat urinishdi, oxiri uni otishga to‘g‘ri keldi, deya xabar berdi “ITAR-TASS”.
Lovech politsiyasi xabariga ko‘ra, hayvonot bog‘i xodimi yaguarning qafasini bekitishni unutgan, natijada yaguar qafasdan qochib chiqib ketgan. Politsiya bog‘ yaqinida joylashgan tuman aholisini evakuatsiya qilgan.
Yirtqichni tutish uchun 50 kishi jalb qilindi. Olti soat davomida kuchli uyqudori otadigan qurollar va jangovar patronlar bilan yaguarni tutishga urinishdi, biroq uni uyquga ketkizib, qafasga qaytarish rejasi amalga oshmadi. Hayvon bog‘ devoridan oshib chiqib ketmasligi uchun uni otib o‘ldirishga to‘g‘ri keldi.
Izoh (0)