The New York Times gazetasi tarixda birinchi marta marixuana iste’mol qilishga chaqiruvchi reklamani chop etdi, deya xabar berdi Interfax.
Reklama nashrning 3-avgust, yakshanba kungi sonidagi butun bir sahifani egalladi. Uni Leafly.com sayti egasi Privateer Holdings kompaniyasi joylashtirdi. Ushbu saytda marixuananing turli navlari sharhlanadi, shuningdek, uni qanday o‘stirish va qayerda qonuniy ravishda sotib olish haqida ma’lumot beriladi.
Gazetadagi reklamada yugurib ketayotgan qiz va uy eshigi yonida turgan erkak ifodalangan. Qahramonlarning yonidagi katakchalarda ular o‘z kasalliklari alomatlarini yengillashtirish uchun marixuananing qaysi navini afzal ko‘rishlari qayd etilgan.
Nashrning eslatishicha, iyul oyi boshida Nyu-York shtati gubernatori marixuanadan tibbiy maqsadlarda foydalanishga ruxsat beruvchi qonunni imzolagan edi. Bunday qonun yana 22 shtatda amal qiladi. AQShning faqat ikki shtati — Kolorado va Vashingtonda marixuana voyaga yetganlar tomonidan tibbiy ko‘rsatmasiz iste’mol qilinishi mumkin.
Izoh (0)