AQSh Kongressi Senati 1-avgust, juma kuni Isroilga “Temir gumbaz” havo hujumiga qarshi mudofaa tizimini moliyalashtirish uchun qo‘shimcha 225 million dollar ajratishni ko‘zda tutuvchi qonun loyihasini bir ovozdan ma’qulladi. Bu haqda “ITAR-TASS” xabar berdi.
Loyiha qonunga aylanishi uchun Kongressning vakillar palatasi tomonidan tasdiqlanishi va AQSh prezidenti tomonidan imzolanishi kerak bo‘ladi.
Mablag‘ Isroilga 2015-fiskal yil uchun Amerika mudofaa byudjeti doirasida taqdim etilishi kutilmoqda.
Avvalroq AQSh “Temir gumbaz” dasturini amalga oshirish uchun 1 milliard dollardan ziyod mablag‘ ajratgan.
Izoh (0)