AQSh davlat kotibi Jon Kerrining telefoni Isroil maxsus xizmatlari tomonidan uning Yaqin Sharqqa o‘tgan yilgi tashrifi davomida tinglangani ma’lum bo‘ldi. Bu haqda “Rossiyskaya gazeta” xabar berdi.
Yaqin Sharqqa tashrifi davomida Kerri suhbatlarni himoyalanmagan, ochiq telefon orqali olib borgan. Signal osongina tutilgan va maxfiy tinglov olib borilgan. Isroil hukumati olingan axborotni go‘yoki, muzokaralar chog‘ida qo‘llagan.
Germaniyaning “Shpigel” jurnali Amerika davlat kotibi yana bir mamlakat tomonidan kuzatilganini xabar qildi, uning qaysi davlatligi hozircha oshkor etilmayapti.
AQSh diplomatik idorasi ham, uning mintaqadagi strategik ittifoqdoshi Isroil ham bu xabarga izoh berganicha yo‘q.
Izoh (0)