Хитой жануби-ғарбидаги Юньнань провинциясида ер силкинишида ҳалок бўлганлар сони 381 тага етди. Яна тахминан 1,9 минг киши жароҳат олган. Бу ҳақда CBS телеканалига таяниб, «РИА Новости» хабар берди.
6,1 магнитудали зилзила маҳаллий вақт билан 3 август 16:30 да (Тошкент вақти билан 3 август 13:30 да) бўлиб ўтди. Зилзила ўчоғи Чжаотун шаҳридаги Лудянь уезди ҳудудида 10 километр чуқурликда жойлашди. Ушбу уездда 265 мингдан ортиқ киши яшайди. У ерда телефон алоқаси узилган, қатор бинолар бузилган, электр узатиш линиялари зарарланган. Хитой ОАВлари таъкидлашича, ушбу зилзила Юньнанда сўнгги 14 йил ичида юз берган энг кучлиси бўлди.
Изоҳ (0)