Agar AQSh tahdidlarini to‘xtatmasa, KXDRda yadro quroli ishlab chiqishni davom ettirishdan boshqa chora qolmaydi. Bu haqda 1-avgust, juma kuni KXDRning BMTdagi doimiy vakili o‘rinbosari Ri Don Il bayonot berdi, deb yozadi “ITAR-TASS”.
“Dunyodagi hech qaysi mamlakat KXDR kabi doimiy tahdid ostida emas”, — dedi diplomat va “yadro quroli Pxenyanga ularga qarshi turish uchun zarur”ligini aytdi.
Ri Don Il AQSh va Janubiy Koreyaning birgalikdagi manyovrlari munosabati bilan BMT Xavfsizlik Kengashining navbatdan tashqari majlisini o‘tkazishni so‘radi. Ularning manyovrlarini “mamlakatga bostirib kirishga tayyorgarlik” deb atadi.
Bundan tashqari, diplomat Shimoliy Koreyaning raketalar otishda davom etishini ta’kidladi. “Bu yirik ko‘lamdagi manyovrlar keltirib chiqargan jiddiy vaziyatga javobdir. Harbiy xavf kuchaydi”, — dedi u.
Izoh (0)