Germaniya kansleri Angela Merkel federal hukumat vazirlariga qo‘ng‘iroq qilib tusha olmayapti. Bunga siyosatchilarning telefonlari kanslerning maxfiy ravishda tinglashdan himoyalash vositasiga ega telefoni bilan mos tushmayotgani sabab bo‘lmoqda, deya xabar berdi “RIA Novosti”.
O‘tgan yili Edvard Snouden taqdim etgan hujjatlar orqali Amerika maxsus xizmatlari Merkel telefonini yashirincha kuzatayotgani ma’lum bo‘lgach, kansler o‘zi uchun yangi telefon yasattirdi. Iyun oyida u uchun maxsus ishlab chiqilgan Blackberry Q10 Secusmart firmasining shifrli chipi bilan jihozlandi.
Vazirlarga ham bunday himoyaga ega yangi telefonlar berildi, biroq ular Merkelning telefoni bilan mos tushmaydi. Shuning uchun siyosatchilar kansler bilan gaplashish uchun alohida telefon olib yurishga majbur bo‘lmoqda.
Izoh (0)