Агар АҚШ таҳдидларини тўхтатмаса, КХДРда ядро қуроли ишлаб чиқишни давом эттиришдан бошқа чора қолмайди. Бу ҳақда 1 август, жума куни КХДРнинг БМТдаги доимий вакили ўринбосари Ри Дон Иль баёнот берди, деб ёзади ИТАР-ТАСС.
«Дунёдаги ҳеч қайси мамлакат КХДР каби доимий таҳдид остида эмас», — деди дипломат ва «ядро қуроли Пхеньянга уларга қарши туриш учун зарур»лигини айтди.
Ри Дон Иль АҚШ ва Жанубий Кореянинг биргаликдаги манёврлари муносабати билан БМТ Хавфсизлик Кенгашининг навбатдан ташқари мажлисини ўтказишни сўради. Уларнинг манёврларини «мамлакатга бостириб киришга тайёргарлик» деб атади.
Бундан ташқари, дипломат Шимолий Кореянинг ракеталар отишда давом этишини таъкидлади. «Бу йирик кўламдаги манёврлар келтириб чиқарган жиддий вазиятга жавобдир. Ҳарбий хавф кучайди», — деди у.
Изоҳ (0)