Britaniyadagi Bompas & Parr pazandalik studiyasi sun’iy lavada go‘sht pishirdi. Lava Nyu-Yorkdagi Sirakuz universiteti xodimlari tomonidan tayyorlandi. Uni Selsiy bo‘yicha 1148 darajagacha qizdirish uchun 60 soat sarflandi.
Studiya saytida keltirilishicha, bir juft steyk va makkajo‘xori so‘talarini pishirish uchun bor-yo‘g‘i ikki daqiqa yetarli bo‘ldi.
Universitet professorlari so‘nggi uch yil davomida lavani o‘rganish bilan shug‘ullanmoqda. Shu vaqt davomida ular o‘z tajribalarini ommaga namoyish etib kelishgan. Pazandalik studiyasining taklifi ularning tashabbusi bilan kutib olingan.
Yaqin orada pazandalik studiyasi sun’iy yashin urishi orqali steyk tayyorlamoqchi.
Izoh (0)