AQShning Illinoys shtati fuqarosi supermarketlardan birida qadoqlangan go‘shtlarga igna solib qo‘ygani uchun qamalishi mumkin, deya xabar berdi “RIA Novosti”.
68 yoshli Ronald Avers go‘sht mahsulotlarini qalbakilashtirish bilan bog‘liq yettita holat bo‘yicha sudlandi. Ularning har biri uchun 10 yilgacha qamoq va 250 ming dollargacha jarima bilan jazolanadi.
Jinoyat Sent-Luis shahridagi N Save supermarketining diqqatli xaridori sharofati bilan ochildi. U o‘zi yegan go‘sht bo‘lagidagi ignani yutib yuborishiga sal qolganini aytgan.
Supermarket vakillarining ta’kidlashicha, hech qaysi holat jiddiy jarohatlarga olib kelmagan.
Federal Qidiruv Byurosi go‘shtga igna solib qo‘yish bilan bog‘liq holat supermarketda dastlab o‘tgan yilning may oyida kuzatilganini aytib o‘tdi. Shundan so‘ng bunday holatlar yana olti marta qayd etilgan.
Do‘kon soqchilari kuzatuv kamerasi yordamida gumondorni aniqlashga muvaffaq bo‘lishdi va darhol FQBga murojaat qilishdi.
Gumondorning mashinasidan bir quti igna topilgan. Tergov chog‘ida Avers go‘sht mahsulotlariga nima uchun igna sanchib qo‘yganiga izoh berar ekan : “Men buni shunchaki qildi. To‘g‘ri, bu ahmoqona ish, biroq men hech kimga ziyon yetkazmoqchi emas edim”, — dedi.
Izoh (0)