Seul so‘nggi yillarda KXDRda ishlab chiqarilayotgan qurol-yarog‘lar sonining ahamiyatli darajada oshishidan xavotir bildirdi, deya xabar berdi Renxap agentligi mamlakat mudofaa vaziri Xan Min Kuga asoslanib.
“KXDRning yadro sinovlari va raketa uchirishlarini e’tiborga olgan holda, Shimoliy Koreya tomonidan bo‘ladigan xavf so‘nggi yillarda oshganini xulosa qilish mumkin”, — dedi u.
Vazir oxirgi paytlarda KXDR Yapon dengiziga qarata ballistik raketalarni doimiy ravishda uchirayotgani, bundan tashqari, Kim Chen Inning do‘q-po‘pisalari ham qat’iylashib borayotganini aytdi.
“Koreya yarim orolidagi xavfsizlik bilan bog‘liq vaziyat, shuningdek ikki davlat o‘rtasidagi keskinlikning kuchayib borishini hisobga olganda, biz o‘ta og‘ir ahvoldamiz”, — deya ta’kidladi Xan Min Ku va so‘nggi bir necha oy ichida KXDR 18 ta qisqa masofali raketa uchirganini qo‘shimcha qildi.
Izoh (0)