Xitoyda Yaponiya fuqarosiga nisbatan o‘lim jazosi amalga oshirildi. Bu 2010-yildan buyon birinchi bunday qatldir, deya xabar berdi “RIA Novosti”.
Yaponiyalik 2012-yilda Xitoydan Yaponiyaga sintetik narkotiklar olib chiqishga uringani uchun hibsga olingan edi. 2013-yil avgustida u o‘lim jazosiga mahkum etildi.
XXRdan bo‘lajak qatl haqida xabar kelib tushgach, Yaponiya diplomatik yo‘llar orqali fuqarosi o‘z mamlakatiga topshirilishiga erishmoqchi bo‘lgan.
Xitoy jinoiy qonunchiligida giyohvand moddalar bilan bog‘liq jinoyatlar uchun qat’iy jazolar belgilangan. Katta miqdordagi narkotiklar kontrabandasi uchun qonunbuzarlar 15 yildan butun umrlik muddatdagi qamoq jazosi yoki o‘lim jazosiga hukm qilinishi mumkin.
Izoh (0)