Хитойда Япония фуқаросига нисбатан ўлим жазоси амалга оширилди. Бу 2010 йилдан буён биринчи бундай қатлдир, дея хабар берди «РИА Новости».
Япониялик 2012 йилда Хитойдан Японияга синтетик наркотиклар олиб чиқишга урингани учун ҳибсга олинган эди. 2013 йил августида у ўлим жазосига маҳкум этилди.
ХХРдан бўлажак қатл ҳақида хабар келиб тушгач, Япония дипломатик йўллар орқали фуқароси ўз мамлакатига топширилишига эришмоқчи бўлган.
Хитой жиноий қонунчилигида гиёҳванд моддалар билан боғлиқ жиноятлар учун қатъий жазолар белгиланган. Катта миқдордаги наркотиклар контрабандаси учун қонунбузарлар 15 йилдан бутун умрлик муддатдаги қамоқ жазоси ёки ўлим жазосига ҳукм қилиниши мумкин.
Изоҳ (0)