Qator aviakompaniyalar Tel-Avivga parvozlarni to‘xtatmoqda. Jumladan AQSh Federal aviatsiya boshqarmasi barcha Amerika tashuvchilariga Isroilga uchishni taqiqladi. Bu haqda Euronews xabar berdi.
Yevropaning “Lyuftganza”, “Eyr Frans” va KLM kabi yirik aviakompaniyalari ham reyslarning to‘xtatilganini ma’lum qildi.
Aviakompaniyalar G‘azo sektoridan otilayotgan raketalar Ben-Gurion xalqaro aeroportiga xavf tug‘dirishi mumkinligidan xavotir bildirmoqda.
Ta’kidlash joiz, 22-iyul kuni Ben-Gurionga yo‘l olgan “Delta Eyrlayns” layneri uchish maydoni yaqiniga raketa kelib tushgach, dengiz ustida qayrilib olib, Parijga qaytib ketgan.
Izoh (0)