Yangi Zelandiya fuqarosi bitta multfilm qahramonining rasmini tanasiga tatuirovka qilib tushirish bo‘yicha rekord o‘rnatdi. Bunday natija Ginnesning Rekordlar kitobiga kiritildi, deya xabar berdi 3 News.
2007-yildan buyon 27 yoshli Li Veyr “Simpsonlar” multfilmi qahramoni Gomer Simpson suratlaridan iborat 41 ta tatuirovka chizdirgan. Natijada uning butun chap qo‘li yelkasidan bilagigacha rasmlar bilan qoplandi. Ularni chizish uchun jami 25 soat vaqt sarflangan.
Yigit ushbu multfilm qahramoni “o‘ziga o‘xshagan katta va sabzirang” bo‘lgani uchun unga yoqishini aytdi.
Ginnesning Rekordlar kitobi vakillariga tatuirovkaning haqiqiy ekanini isbotlash uchun u dermatologdan ma’lumotnoma keltirib berdi.
Izoh (0)