AQShning Vayoming shtatidagi 15 kishilik aholiga ega Aladdin shahri 1,5 million dollarga sotuvga qo‘yildi, deya xabar berdi Gillete News Record. Xaridorga 15 ta bino, jumladan pochta bo‘limi va 118 yildan buyon faoliyat yuritadigan supermarket taklif etiladi.
Shaharni 1986-yildan unga egalik qila boshlagan er-xotin Judi va Rik Brengllar sotuvga qo‘ydi. Judi shu vaqt ichida shahar meri, pochta bo‘limi mudiri va politsiya boshlig‘i lavozimlarida ishlashga ulgurdi.
Shahar egalarining aytishicha, tarixiy supermarket shaharning shu vaqtgacha saqlanib turishiga katta hissa qo‘shgan. U yerda har yili avgust oyida maxsus tanlovga yo‘l olgan baykerlar to‘xtab o‘tadi. Do‘konning Facebook’da maxsus sahifasi ham bor.
Shuningdek, Aladdin shahriga yondosh bo‘lgan, Brengllarga tegishli tamaddixona va motel ham sotilmoqda. Ular uchun 549 ming dollar so‘rashyapti.
Shaharga 1894-yilda Aladdin nomi berilgan. Uning ilk egalari ertak qahramoni kabi boyib ketishga umid qilgan.
Izoh (0)