Gongkongning Counterpoint nomli tahlil kompaniyasi 2014-yilning may oyi uchun smartfonlar sotuvi hajmini o‘rganib chiqdi. Bu haqda Mail.Ru xabar berdi.
O‘rganilgan ma’lumotlardan tuzilgan jadvalga ko‘ra, garchi taqdim etilganiga 8 oy bo‘lgan bo‘lsa-da, eng mashhur smartfon iPhone 5s ekanligi ma’lum bo‘ldi. Undan keyingi o‘rinni esa aprel oyida taqdim etilgan Galaxy S5 smartfoni egallagan.
Samsung’ning Galaxy S4 va Galaxy Note 3 smartfonlari Galaxy S5’dan keyingi o‘rinlarni egallagan. Bu bilan ular beshinchi va oltinchi o‘rinlardagi iPhone 5c hamda iPhone 4S’dan o‘zib ketgan.
Keyingi o‘rinlarni Xiaomi MI3, Galaxy S4 Mini, Xiaomi Hongmi Redrice va Galaxy Grand 2 egallagan. Tuzilgan jadvalning yuqori o‘nligida mashhur Sony, HTC, Nokia yoki LG brendlarining yo‘qligi qiziqarli holat :)
Mutaxassislar ikkita Xiaomi smartfonining o‘nlikka kirishi sababi ularning mahalliy Xitoy bozorida omadli sotuvida, deb bilishmoqda.
Shuningdek, 11-o‘rin Sony Xperia Z1’ga tegishli va yigirmalikdan Motorola Moto G, Huawei Honor 3C hamda LG G2 qurilmalari o‘rin olgan.
Izoh (0)