Гонгконгнинг Counterpoint номли таҳлил компанияси 2014 йилнинг май ойи учун смартфонлар сотуви ҳажмини ўрганиб чиқди. Бу ҳақда Mail.Ru хабар берди.
Ўрганилган маълумотлардан тузилган жадвалга кўра, гарчи тақдим этилганига 8 ой бўлган бўлса-да, энг машҳур смартфон iPhone 5s эканлиги маълум бўлди. Ундан кейинги ўринни эса апрель ойида тақдим этилган Galaxy S5 смартфони эгаллаган.
Samsung’нинг Galaxy S4 ва Galaxy Note 3 смартфонлари Galaxy S5’дан кейинги ўринларни эгаллаган. Бу билан улар бешинчи ва олтинчи ўринлардаги iPhone 5c ҳамда iPhone 4С’дан ўзиб кетган.
Кейинги ўринларни Xiaomi MI3, Galaxy S4 Mini, Xiaomi Hongmi Redrice ва Galaxy Grand 2 эгаллаган. Тузилган жадвалнинг юқори ўнлигида машҳур Sony, HTC, Nokia ёки LG брендларининг йўқлиги қизиқарли ҳолат :)
Мутахассислар иккита Xiaomi смартфонининг ўнликка кириши сабаби уларнинг маҳаллий Хитой бозорида омадли сотувида, деб билишмоқда.
Шунингдек, 11-ўрин Sony Xperia Z1’га тегишли ва йигирмаликдан Motorola Moto G, Huawei Honor 3C ҳамда LG G2 қурилмалари ўрин олган.